Edita Tahiri (Kryesuese e LRG-së) është Zëvendëskryeministre e Republikës së Kosovës. Ajo është një politikane e shquar, diplomate dhe negociatore, si dhe një pjesëmarrëse e ndryshimeve të shumta politike në Kosovë dhe në rajon që nga fundi i Luftës së Ftohtë. Ajo ishte një udhëheqëse e lëvizjes për pavarësinë e Kosovës, Lidhjes Demokratike të Kosovës (1991-1999), Ministre e Punëve të Jashtme të Kosovës (1991-2000), dhe një negociatore në Konferencën e Rambujesë (1999), Konferencës së Londrës (1992) dhe të gjitha proceseve të tjera të paqes të periudhës së paraluftës. Filozofia e saj politike është e bazuar në parimet bazë të paqes, demokracisë, vetëvendosjes dhe fuqizimit politik të grave në mbarë botën. Ajo ka diplomuar në Harvard dhe ka një diplomë magjistrature në Administratën Publike nga Shkolla e Qeverisë Kennedy (2002).

Për sukses të shkëlqyeshme gjatë studimeve, ajo u nderua me titullin “studente e shkëlqyer e vitit 2002 për SHQK”. Ajo përfunduar doktoratën e saj në vitin 2011 dhe hulumtimi i saj fokusohej në “ndërtimi shtetëror ndërkombëtar nën sovranitet të papërcaktuar”. Në vitin 2006/2007 ajo ishte një dijetare vizituese e Fulbright Universiteti i Johns Hopkins, ku ajo ka kryer kërkime mbi ndërtimin e shtetit, si pjesë e punën së saj për doktoratë në Programin Zgjidhjeve të Konfliktit. Aktualisht ajo është krye-negociatore në dialogun e vazhdueshëm teknik mes Kosovës dhe Serbisë të ndihmuar nga Bashkimi Evropian dhe mbështetur nga SHBA-të. Dhe gjithashtu, ajo është Kryesuese e LRG-së (e zgjedhur për të dytën herë nga anëtarët e LRG-së).

Zonja Sahatqija u diplomua në Universitetin e Prishtinës në Inxhinieri elektronike si një nga studentët më të mirë. Nga viti 1999 deri në vitin 2004 ajo ishte pronare dhe drejtoreshe e një kompanie private e telekomunikacionit në Gjakovë. Gjatë viteve 1987-1999, ajo ishte menaxhere e qendrës kompjuterike në një kompani të prodhimit të ushqimit në Gjakovë. Gjatë viteve 1985-1987 Inxhiniere në mirëmbajtjen e prodhimit në kompaninë e tekstilit me shumicë në Prizren.  Pjesëmarrëse dhe folëse në disa konferenca të ndryshme ndërkombëtare siç janë Asambleja Parlamentare e NATO-s, Forumi Ekonomik në Krynice, Romë, etj. Ajo ishte gjithashtu anëtare e delegacioneve të ndryshme parlamentare gjatë vizitave në Parlamentet e Belgjikës, Italisë, Suedisë, Francës,Greqisë, Spanjës, etj. Përvoja e saj politike është shumë e gjerë. Nga viti 2004 deri në vitin 2005 ka qenë presidente e parë e degës së  ORA-së në Gjakovë.

Nga vitin 2005 deri në vitin 2008 Zëvendës Presidente e RP ORA. Nga viti 2004 deri në vitin 2007 ka qenë e zgjedhur si anëtare e Parlamentit, pastaj ajo ishte Kryesuese e Grupit Parlamentar ORA, Anëtare e Komisionit Parlamentar për Ekonomi, Tregti dhe Industrisë, Telekomunikacioni dhe Transport, anëtare e Komisionit Parlamentar për Çështje Ndërkombëtare, anëtare e grupit joformale të grave parlamentare. Gjatë viteve 2008 – 2010, Zonja Sahatqija ka qenë e zgjedhur kryetare e Partisë Reformiste ORA, ndërsa në vitin 2010 si Zëvendës Presidente e LDK-së. Aktualisht ajo është deputete e Parlamentit, Nënkryetare e parë e Komisionit për Zhvillim Ekonomik dhe kryetare e grupit të Grave Parlamentare.

Luljeta Vuniqi është themeluese dhe drejtoresh ekzekutive e Qendrës Kosovare për Studime Gjinore QKSGJ). Ajo ka qenë për një kohë të gjatë Menaxhere e Programit  të Grave, të programit të pakicave, të Rinisë dhe të programit për të Drejtat e Njeriut Programin e Fondacioni Kosovar për Shoqëri të Hapur) KFOS që është një rrjet i Fondacioneve Soros. Ajo është një sociologe dhe projektet hulumtuese të KGSC-së janë iniciuar dhe implementuar nën mbikëqyrjen dhe udhëheqjen e saj. Ajo ka luajtur një rol të rëndësishëm në mbështetjen dhe duke qenë aktive në lëvizjen e grave në Kosovë. Luljeta është gjithashtu një nga themelueset e Rrjetit të Grupit të Grave dhe Rrjetit të organizatave të grave rome, Ashkali dhe Egjiptase. Ajo është anëtare e bordit të disa organizatave vendore dhe ndërkombëtare, si dhe anëtare e Lobit Rajonal të Grave. Ajo ka marrë pjesë në shumë programe, konferenca dhe trajnime në nivel lokal, rajonal dhe global.