Mesazh nga Anëtaret e Lobit Rajonal të Grave për Paqe , Siguri dhe Drejtësi në Europën Juglindore në lidhje me zgjedhjet e ardhëshme në Maqedoni.

26 Maj, 2008

Zgjedhjet e ardhëshme që do mbahen më 1 Qershor, 2008 në Maqedoni do të ju japin qytetarëve maqedon një mundësi për ti dëshmuar vetes, rajonit dhe komunitetit ndërkombëtar gatishmërinë  e tyre për të ndërtuar një paqe të drejtë dhe  të qëndrueshme si dhe demokracinë gjithëpërfshirëse. Mënyra më e mirë për të dërguar këtë mesazh është që të zgjedhet një parlament i përbërë vërtetë nga forcat pro Europiane dhe Demokratike duke u bazuar në barazinë e plotë gjinore. Partitë politike në Maqedoni janë duke prezentuar lista të cilat votuesve ju japin mundësi zgjedhjeje të konsiderueshme, por jo të gjitha zgjidhjet dërgojnë kah forcimi i demokracisë, stabilitetit  dhe barazisë gjinore në vend dhe në tërë rajonin.

Kjo gjithashtu është është një mundësi që Maqedonia të dërgojë një mesazh të qartë për besimin që ka tek gratë si përfaqësuese dhe udhëheqëse  politike: ne mund të zgjedhim aq gra sa edhe burra. Është gjithashtu përgjegjësi e jona si gra që të bëjmë këtë të mundur.

Sot, në botë përqindja mesatare e ulëseve që mbahen nga gratë në asambletë kombëtare është vetëm 17.4%. Asnjë vend nuk e ka përmbushë barazinë e plotë në mes të grave dhe burrave në pozitat e larta vendimmarrëse por disa prej tyre i përafrohen :shtetet Skandinave i  përafrohen barazisë gjinore dhe kanë mbi 40% gra në asambletë kombëtare (Suedia ka 47,3%), kurse ne vendin më të lartë është Ruanda me 48.8%.

50% e grave në parlament është ende një qëllim që duhet arritur.Zgjedhjet në Serbi ofrojnë një mundësi për rritjen e pjesmarrjes së grave si në kontekstin e Serbisë ashtu edhe në rajon ( ne Europën Juglindore mesatarja e pjesmarrjes së grave në parlament është vetëm 16%)

Gratë janë në pozitë të sjellin programe, perspektiva,vlera, talente dhe aftësi të reja në fushën e vendimmarrjes publike. Pas konfliktit në 2001 në Maqedoni, kontributi i gruas në proceset e vendimmarrjes në të gjitha nivelet duhet të jetë me interes politik për të gjithë qytetarët, dhe të vlerësohet posaqërisht. Janë të domosdoshme perspektivat e reja për zgjidhjen e sfidave dhe brengave me të cilat po ballafaqohet rajoni jonë për një kohë të gjatë.

Vendet e Europës Juglindore jane duke shikuar që të ndërtojnë marrëdhënje të forta me Bashkimin Europian dhe NATOn, megjithatë Maqedonia është duke u ballafaquar me bllokadën nga ana e Greqisë rreth çështjes së emrit të Republikës së Maqedonisë. Në këtë moment barazia demokratike në mes të burrave dhe grave në Parlamentin e Maqedonisë dhe fitorja nga ana  e forcave demokratike do të dërgonte një mesazh të pagabueshem mbi gatishmërinë e Maqedonisë për të ju bashkangjitur NATOs dhe Bashkimit Europian. Maqedonia është e përkushtuar për demokraci dhe duhet të punojë shumë për të implementuar plotësisht Marrëveshjen e Ohrit dhe të plotësoj kërkesat legjitime të Shqiptarëve etnik.

Si anëtare të Lobit Rajonal të Grave për Paqe, Siguri dhe Drejtësi në Europën Juglindore ne jemi të gatëshme të forcojmë dhe ndërtojmë paqen, të rrespektojmë vlerat e komuniteteve me kultura të ndryshme, të mbështesim pajtimin në mes të njerëzve dhe individëve dhe të krijojmë një ardhmëri të re për Maqedoninë dhe të gjithë rajonin e Europës Juglindore

 Ne jemi të gatëshme të demonstrojmë aftësinë e qytetarëve tanë si dhe të institucioneve tona politike që të modernizojnë , demokratizojnë dhe të rrespektojnë të drejtat njerëzore të të gjithëve.

Anëtaret e Lobit Rajonal të Grave për Paqe, Siguri dhe Drejtësi në Europën JugëLindore: Meliha Alic, Sonja Biserko, Nada Drobnjak, Natasa Kandic, Biljana Kasic, Nekibe Kelmendi, Vera Markovic, Natasa Micic, Irina Pockova, Liljana Radovanovic, Igballe Rogova, Edita Tahiri, Teuta Sahatqija, Gordana Sobol, Luljeta Vuniqi, Stasa Zajovic, Marieta Zaqe, Memnuna Zvizdic,

Lobi Rajonal i Grave për Paqe, Siguri dhe Drejtësi në Europën JugLindore është themeluar në vitin 2006 me ndihmën e UNIFEMit. Lobi promovon veprimet politike dhe avokuese për të avansuar paqen dhe stabilitetin në rajon, duke përfshirë zbatimin e plotë të rezolutës së Këshillit të Sigurimit 1325 për Gruan, Paqen dhe Sigurinë, e cila thërret për një përfaqësim më të madh të grave në të gjitha nivelet vendimmarrëse. Grupi përfshinë anëtare nga Shqipëria, Bosna dhe Hercegovina, Kosova, Kroacia, Maqedonia, Mali i Zi dhe Serbia. Anëtaret e Lobit janë gra udhëheqëse të shquara, parlamentare, gra që  mbajnë pozita të larta si në sektorin publik ashtu dhe në qeveri, si dhe përfaqësuese nga shoqëria civile.

Kontakti per Media

Ana Lukatela
Kordinatore e LRG
+385-91-191-6226